नेकपा वैतडीद्वारा सातौं पार्टी पुर्नगठन दिवसको अवसरमा विभिन्न कार्यक्रमहरु सन्चालन
काठमाडौं । नेपाल कम्युनिष्ट पार्टी वैतडीले सातौं पार्टी पुर्नगठन दिवसको अवसरमा विभिन्न कार्यक्रमहरु सन्चालन गरिरहेको छ । सो पार्टीका जिल्ला सचिव राजेन्द्र विष्ट’परिवर्तन’ का अनुसार जिल्ला इन्चार्ज किरणको नेतृत्वमा पार्टी, जनसत्ता, युवा संगठन, ज.व.स./मोर्चाका पदाधिकारीहरु सम्मिलीत पार्टी पुर्नगठन दिवस आयोजक समिति गठन गरिएको छ । जसले भित्ते लेखन, पोष्टरींग, पर्चा वितरण, चोक, चौतारा, खानेपानिका धारा, पँधेरा, खेल मैदानहरु लगायत विद्यालय जस्ता सार्वजनिक स्थानहरुको सरसफाई एवं मर्मत कार्यका साथै बाटो निर्माणको काम समेत अगाडी बढाईरहेकोछ । जस अर्न्तगत पुर्चौंडी नगर पालिकाको तीन नंम्वर वडामा तीन किलोमीटर घोडेटो बाटो निर्माण गरिएको छ । बर्षौं देखि समस्या झेलीरहेका स्थानिय वासि ने.क.पा. ले बाटो निर्माण गरी दिए पछि खुसि देखिएका छन् ।
यसका साथै मंसिर ६, ७ गते जिल्लाका दश वटै स्थानिय तहमा चोक सभा, कोण सभा, व्यानर-झण्डा प्रदर्शन, मसाल जुलुस, प्रदर्शन र एकिकृत जनक्रान्ति एवं वैज्ञानिक समाजवादी सत्ताको विषयमा अर्न्तक्रिया कार्यक्रम जनताको घर दैलोमा श्रृजनशिल तरीकाले आयोजना गर्न लागिएको सचिव विष्टले बताए । उनले अगाडी भने,’मंसिर ८ गते श्रद्धेय महासचिव कमरेडले पार्टी कार्यकर्ता र जनताका नाममा गरेको विशेष सम्वोधन नयाँ प्रविधिको प्रयोग गरेर प्रसारण गर्दै क्रान्ति सम्पन्न गरी छाड्ने दृढ प्रतिबद्धताका साथ एक उत्सवका रुपमा सातौं पार्टी पुर्नगठन दिवस कार्यक्रम सम्पन्न गरिनेछ ।’