तेल र ग्यास उत्पादनमा कटौती

काठमाडाैँ, २९ भदाै । साउदी अरेबियाले तेल र ग्यास उत्पादनमा कटौती गरेको छ । सरकारी स्वामित्वमा रहेका अरामकोकास्थित दुईवटा तेल कम्पनीमा ड्रोन आक्रमण भएपछि साउदीले तेल र ग्यास उत्पादनमा कटौती गरेको हो । साउदीका उर्जामन्त्री प्रिन्स अब्दुलाजीज बीन सलमानले तेलको उत्पादनमा प्रतिदिन ५ दशमलव ७ मिलियन ब्यारलले कटौती गरेको जानकारी दिएका छन् ।
यमनका हुथी विद्रोहीका प्रवक्ताले तेल कम्पनीमा भएको आक्रमणको जिम्मा लिएका छन् । उनले आक्रमणमा १० वटा ड्रोन प्रयोग भएको बताएका छन् । तेल कम्पनी र प्रशोधन केन्द्रमा ड्रोन आक्रमण हुँदा भीषण आगलागी भएको थियो ।
उक्त तेल प्रशोधन केन्द्र संसारकै सबैभन्दा विशाल तेल प्रशोधन रहेको र सो प्रशोधन केन्द्रहरुबाट दिनको १५ लाख ब्यारेल कच्चा तेल उत्पादन हुँदै आएको थियो ।
यसअघि सन् २००६ मा अबकाइसमा रहेको तेल प्रशोधन केन्द्रमा अल कायदाको आक्रमण प्रयासलाई साउदी सुरक्षा बलले विफल तुल्याएको थियो । साउदीले अरामबाट मात्रै वर्षमा १ सय ११ अर्ब डलर बराबरको कमाई गर्दै आएको छ ।-एजेन्सी

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>