एकीकृत जनक्रान्तिमा गोलबद्ध होऔं

२०७७ भाद्र २८ गते, आईतवार

सरकारको कार्यशैलीका कारण देश र जनता आक्रान्त बनेका छन् । कोरोनाका कारण देशको अर्थव्यवस्था चौपट भएको छ भने जनजीविका कष्टकर बन्दै गएको छ । तर, सत्ताधारी पार्टी र सरकार कानमा तेल हालेर बसेको छ । खेतीको समयमा कृषकले मल पाएनन्, रेलमार्गको नाममा करोडौँको घोटाला गर्न सत्तामा रहेका र दलमा प्रभुत्व जमाएका नेताहरु नै टुप्पी कसेर लागे, आमजनताले एमसीसी राष्ट्रघाती छ, खारेज गर्नुपर्छ भन्दाभन्दै सत्ताधारी पार्टीको स्थायी कमिटीबाट परिमार्जनसहित एमसीसी पास गर्ने निर्णय भएको छ । कोरोनाले दिनप्रतिदिन गति बढाउँदैछ तर नियन्त्रणको लागि सरकारले ठोस नीति ल्याउन सकेको छैन । यस्ता दर्जनौँ विषयले सत्ताधारी पार्टी, सरकार, देश र जनताप्रति उत्तरदायी छैन भन्ने प्रस्ट हुन्छ ।

यस्तो अवस्थामा देश र जनताको पक्षमा खरो रुपमा उत्रिएको तर सरकारले प्रतिबन्ध लगाएको नेपाल कम्युनिस्ट पार्टी मात्र देश र जनताको भरोसाको केन्द्र बनेको छ । नेपाल कम्युनिस्ट पार्टीकै चेतावनीपछि सरकारले मलका ठेकेदारलाई कारवाही र रेलमार्गको ठेक्का रद्द गरेको थियो । नेपाल कम्युनिस्ट पार्टीले भ्रष्टाचारीलाई कुनै हालतमा नछोड्ने उद्घोष गर्दै संघर्षमा होमिएको छ । त्यस्तै उसले राष्ट्रघाती र जनघाती एमसीसी कुनै हालतमा लागू गर्न नदिने उद्घोषसमेत गरेको छ । तर, सरकारले मलका ठेकेदारलाई कालो सूचीमा नराख्ने, रेलमार्गको ठेक्का ब्युँताउने र एमसीसी पास गर्नेलगायतका प्रपञ्च गरेको छ । जुन आमसचेत नागरिकलाई कुनै हालतमा सैह्य हुने विषय होइन । तसर्थ, सरकारको यी सबै हर्कतहरुलाई सच्याउन नेपाल कम्युनिस्ट पार्टीलाई साथ र सहयोग गर्नुको विकल्प छैन । त्यसैले सार्वभौम राष्ट्र र स्वाधीन नेपाली बन्नका लागि जनता मैदानमा उत्रनुको विकल्प छैन । यस्तो अवस्था देश र जनताको पक्षमा सतिसाल भएर खडा भएको नेपाल कम्युनिस्ट पार्टीको नेतृत्वमा आमसचेत नागरिक, राष्ट्रवादी र क्रान्तिकारी राजनीतिक दल र नेताहरु गोलबद्ध हुनुको विकल्प छैन । साँच्चै सार्वभौम राष्ट्र र स्वाधीन नेपाली बन्ने हो भने अब नेपाल कम्युनिस्ट पार्टीले अगाडि सारेको एकीकृत जनक्रान्तिमा सबै सामेल हुनुको विकल्प छैन, अन्यथा देश र जनताको अस्तित्वमाथि संकट आइपर्ने निश्चित देखिन्छ, चेतना भया ।

प्रतिक्रियाहरु

सम्बन्धित समाचारहरु

भ्रष्टाचारीलाई कारवाही गर

२०७७ भाद्र २१ गते, आईतवार

कोरोना नियन्त्रणमा ध्यान देऊ

२०७७ श्रावण २६ गते, सोमबार

नेकपामाथिको दमन बन्द गर

२०७७ श्रावण १८ गते, आईतवार

देशलाई असफल राष्ट्र बन्नबाट जोगाऔँ

२०७७ श्रावण ११ गते, आईतवार