२०७४ चैत्र ९ गते, शुक्रबार

काठमाडौं, ९ चैत । दाङको घोराही सिमेन्ट उद्योग प्रालिले ध्वनि तथा वायु प्रदुशन वढाएको भन्दै स्थानीयवासी आन्दोलित भएका छन । स्थानियवासिका अनुसार उद्योगले फैलाएको प्रदुषणको कारण त्यस क्षेत्रका वासिन्दाको स्वास्थ्यमा नकारात्मक असर देखिन थालेको छ । प्रदुषण रोक्न भन्दै स्थानियवासीले वातावरण संरक्षण मंच गठन गरी विगत लामो समयदेखि सरकारी तथा गैरसरकारी सवै निकाय गुहार्दै आएको बताएका छन । उद्योगले सवै निकायलाई पैसा दिएर मुख बुझो लगाउने गरेकाले आफनो समस्या सुनुवाई नभएकोले आन्दोलन गर्न बाध्य भएको स्थानीयको भनाई छ ।
पिडीतले घोराहि उपमहानगरपालीका का प्रमुख नरुलाल चौधरी माथि समेत उद्योगबाट पैसा खाएर उद्योगलाई संरक्षण गरेको आरोप लगाएका छन । चौधरी वामगठवन्धावाट निर्वाचीत मेएर हुन । यसैबिच आज बिहान स्थानीय संगिता खनाललाई प्रहरीले पक्राउ गरेको छ । सिमेन्ट उद्योगको विरुद्ध आन्दोलन गरेकोले उनलाई मेयर चौधरी र सिमेन्ट उद्योगको मिलोमतोमा पक्राउ गरीएको स्थानीयवासिले वताएका छन । संगितालाई पक्राउ गरीएको विरोधमा अहिले जिल्ला प्रहरी कार्यालय घोराहिमा स्थानियले प्रर्दशन गरीरहेको जनाईएको छ ।