२०७१ मंसिर १२ गते, शुक्रबार

काठमाडौं ।वैज्ञानिकहरुले इबोला भाइरस नियन्त्रणका लागि बनाइएको प्रयोगात्मक औषधिको पहिलो परीक्षणको नतिजा सकारात्मक आएको बताएका छन् ।अमेरिकाको नेशनल इन्स्टिच्युट अफ हेल्थ (एनआइएच)का पदाधिकारीले औषधि परीक्षणको नतिजा आशाजनक रहेको बताएका हुन् ।
उनीहरुले यो खोपले शरीरको प्रतिरक्षा क्षमतालाई बढाउन सहयोग पुग्ने बताएका छन् ।
परिक्षणका क्रममा यो औषधि २० जनालाई दिइएको थियो । उनीहरुमा इबोला रोग प्रतिरोधात्मक क्षमता भएको र औषधीको नकारात्मक प्रभाव पनि नदेखिएको वैज्ञानिकहरुको भनाइ छ ।
यो औषधिले शतप्रतिशत काम गर्ने पुष्टि भने भएको छैन । फेरि दोस्रो चरणमा परिक्षण गर्ने वैज्ञानिकहरुले योजना बनाएका छन् । दोस्रो चरणको परिक्षण सफल भएमा इबोला भाइरसविरुद्धको औषधि पश्चिम अफ्रिकी मुलुकमा आगामी जनवरीबाट पठाइने छ ।- एजेन्सी