२०७२ माघ २६ गते, मंगलवार

काठमाडौं, २६ माघ । आज सोनाम ल्होछार , तामाङ समुदायले विभिन्न कार्यक्रम गरी मनाउँदैछन् । हरेक वर्षको माघ शुक्ल प्रतिपदामा मनाइने यस पर्वलाई बौद्ध धर्मावलम्बीले नयाँ वर्षका रुपमा लिने गर्छन् । ल्होछार पर्वका अवसरमा काठमाडौंको टुँडीखेलमा विशेष कार्यक्रम आयोजना गरिएको छ । यो पर्व नेपाल लगायत चीन, मकाउ, सिंगापुर, मंगोलिया, भारत, थाइल्याण्ड, भुटान, जापान लगायतका देशमा पनि मनाउने गरिन्छ । सोनाम ल्होछार र चिनियाँ नयाँ वर्ष एकै दिन मनाइन्छ । सोनाम ल्होछारको अवसरमा सरकारलेसार्वजनिक विदा दिएको छ ।