क्रुज सीप क्वारेन्टाइनमा रहेका अमेरिकी नागरिकको उद्धार

काठमाडौं, ५ फागुन । जापानको क्रुज सीपको क्वारेन्टाइनमा रहेका आफ्ना नागरिकहरुको अमेरिकाले उद्धार गरेको छ । अमेरिकारले दुई वटा विमान पठाएर क्रुज सिपमा रहेको आफ्ना ४ सय नागरिकहरुको उद्धार गरेको हो ।
कोरोना भाइरसको संक्रमण फैलिएपछि जापानमा रहेका अमेरिकी नागरिकलाई क्रुजमा क्वारेन्टाइनको लागि राखिएको थियो । गत फेबु्रअरी ३ देखि ४ सय जनालाई क्वारेन्टाइनमा राखिएको थियो । कोरोना भाइरसबाट संक्रमित ४० जना अमेरिकी नागरिकहरुको भने जापानमा नै उपचार गरिने भएको छ । जापानको योकोहामा बन्दरगाहमा सञ्चालनमा रहेको क्रुजमा हङकङका एक जना नागरिकमा कोरोना भाइरस भएपछि सो क्रुजमा रहेका ३ हजार ७ सय जना यात्रुलाई क्वारेन्टाइनमा राखिएको थियो । अमेरिका फर्काइएकाहरुलाई पनि १४ दिन सम्म क्वारेन्टाइनमा राखेपछि मात्रै घर फर्काइने छ । – एजेन्सी

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>