चट्याङ्गवाट २ घरमा आगलागी

२०७८ बैशाख ३ गते, शुक्रबार


काठमाडौ । ओखलढुंगाको पश्चिम भेग लिखु गाउँपालिका–८ मझुवा भञ्ज्याङमा गएराति चट्याङ पर्दा दुई वटा घर जलेर पूर्णरुपमा जलेर नष्ट भएका छन् । लिखु गाउँपालिका अध्यक्ष गोविन्द पौडेल र ८ नम्बर वडाका वडाध्यक्ष विशाल पौडेलका दुईवटा घर जलेर ध्वस्त भएका हुन् । ठूलो हावाहुरीपछि मध्यराति परेको चट्याङ पर्दा घरमा आगलागी भएको थियो । घरमा कोही नबस्ने भएकाले मानवीय क्षति भने हुन पाएन । हावाहुरी र चट्याङ आएपछि आत्तिएर भागदौड हुँदा वडा अध्यक्ष पौडेलकी श्रीमती मिठु पौडेलको खुट्टा फ्याक्चर भएको छ । चट्याङ परेपछि घरमा आगलागी हुँदा घरभित्र रहेका नगद जिन्सी लगायत सबै भौतिक सामग्री नष्ट भएको छ । ठूलो आवाजसहित परेको चट्याङ र आगलागीले स्थानीय वासिन्दा रातभर त्रासमा बसेका थिए ।

प्रतिक्रियाहरु