नेपालका मुख्य भनिएका राजनितीक पार्टीहरु अहिले अख्तियार को कार्यक्षेत्र नाघेर काम गरेको भन्ने विषयमा लोकमान सिँह कार्कीलाइ महाअभियोग लगाउनु पर्छ भन्दै आन्दोलनमा रहेका गोविन्द के.सीको माग विपरीत उभिँएका छन । भर्खरै राजधानीको एक कार्यक्रममा नेपाली कांग्रेस ,एमाले , माके र राप्रपाका नेताहरुले लोकमानलाई अभियोग लगाउन नसकिने बताए । उनीहरुले यति मात्र भनेनन की गोविन्द केसी ले उठाएको माग हावादारी र चर्चामा आउन को लागी गरिएको नाटकको संज्ञा पनी दिए । यसको पछाडीको कारणबारे जोकोसैले पनि सहजै अनुमान गर्न सकिने विषय छ । केही कारणहरु यस्ता छन ।
नेपाली कांग्रेस
देशको सवै भन्दा ठुलो पार्टी र आफुलाई लोकतन्त्रको हिमायती ठान्ने नेपाली कांग्रेस बहुदल पछि लगातार करिव लगातार जसो सत्ताको भर्यांग चढिरह्यो । बिपी कोइराला पछि कांग्रेस आफ्नो नितीमा त विचलित भयो नै त्यो भन्दा बढी विभिन्न बदनामी को श्रृंखलाहरुबाट गुज्रिरहेको छ । थुप्रै सरकारका थुप्रै मन्त्रीहरु कुख्यात भ्रष्टाचारी कहलिए त्यसको व्याखा विस्तार र खोज अनुसन्धान को बिषय निकै लामो छ । यँहानेर थोरै कुरा खुम बहादुर खड्का को । भ्रष्टाचारी प्रमाणित भएर जेलको हावा खाइसिध्याएका खुम बहादुर शेर बहादुर देउवा सभापति बन्दा ताकाको महाधिवेशन बाट भारी मत सहित केन्द्रिय सदस्यमा निर्वाचित भए । मुलत हिन्दुबादी खोपडी बोकेका नेता खड्का कांग्रेसको भावी सभापतिको उम्मेदवार हुन । अव भ्रष्टाचारी व्यक्ति नेतृत्वमा पुग्नै लागेको कांग्रेस पार्टीले कसरी गोविन्द केसी को आन्दोलनमा समर्थन जनाओस र भ्रष्टाचारी लोकमान सिँह कार्कीलाई अभियोग लगाउने कुरामा सहमत होस , त्यो कल्पना पनी गर्न सकिँदैन त्यो संभव छैन । गगन थापा लगायतका केही युवा हस्ती हरु पनी अव पार्टीमा धेरैदिन बस्नेवाला छैनन ।

एमाले
मदन भण्डारीको नाम बेचेर अहिले सम्म राजनिती गर्दै आएको नेकपा एमाले को पनी काला कर्तुत कसैले नजानेको विषय रहेन । सत्तामा विभिन्न समयमा सामेल उक्त पार्टीका पनि अनगिन्ती मन्त्री नेता हरु भ्रष्टाचार बाट मुक्त छैनन । त्यो भन्दा अझ ठुलो एमालेकै सरकारले नेपालको नदिनाला भारतलाई बेच्ने काम गरेको छ । कतिपय इमान्दार र निस्कलंक मान्छे हरु एमालेमा नभएका होइनन तर पार्टी चलाउने तहमा अझैपनी कलंकित मान्छेहरुको दवदवा एमाले मा छ । त्यसकारण यो पार्टी पनि लोकमानको पुजापाठ भन्दा अरु कुरा त सोँच्नै सक्दैन ।
नेतै नेताको पार्टी माओबादी केन्द्र
नेपालको इतिहाँसमा माओबादी केन्द्र का अध्यक्ष पुष्पकमल दाहाल प्रचण्ड विरुद्ध भ्रष्टाचारको आरोप मा सर्वाेच्च अदालतमा संगठित मुद्धा दायर भयो । एकजमानामा नेपालमा नयाँ जनबाद ल्याउने र बन्दुक मार्फत राज्यसत्ता कव्जा गर्ने आन्दोलनका नायक बनेका प्रचण्ड संसदिय राजनितीमा छिरेपछि सवैभन्दा भ्रष्ट बन्न पुगे । जनमुक्ति सेनाको नाममा अरबौँ र विभिन्न माध्यमबाट करौडौ भ्रष्टाचार गरेका उनीमाथी छानविन हुनुपर्ने भन्दै नेकपा एमालेको युवा संगठनले संस्थागत मुद्धा हाल्यो तर त्यसमाथीको सुनुवाइ अदालत ले गर्न सकेन । प्रचण्ड त नाइकेमात्र हुन , पार्टी भित्र पटक पटक मन्त्री बनेका धेरै नेताहरु ले पनि कालोहात बनाइसकेको कुरा सवैलाई जगजाहेरै छ । यति भ्रष्ट पार्टीका नेताहरुपनी गोविन्द केसीको समर्थनमा लाग्नु र गोरु व्याउनु बराबरनै लाग्छ ।
राप्रपा तथा अन्य साना
नेपालमा राजतन्त्र पुनरस्थापना गर्ने र हिन्दु राष्ट्र बनाउन धार्मिक युद्ध घोषणा गर्ने धम्की दिँदै आएको राप्रपा इतरका पुर्वपञ्चहरु त झन माथी उल्लेख गरिएका पार्टी भन्दा पहिलै सरकारमा पुगेको र राज्यकोष दोहन गरिसकेको पार्टी हरु हुन । त्यसबाहेक साना जातिय , क्षेत्रिय तथा मधेशबादी पार्टीहरु पनि दाग नलागेको सेतो कमिज पक्कै होइनन ।

अन्तत ः विभिन्न आन्दोलमा बलिदान गर्दै आएका नेपाली जनताले नेपालका पुराना संसदिय पार्टीहरुका बदनामीका श्रृंखलाको अध्ययन राम्रै सित गरिसकेका छन । गल्ती गर्नेले सजाय भोग्नै पर्छ , हुनसक्छ ढिलोचाँडो तर भ्रष्टाचारी हरु जेल पर्नै पर्छ । अव जेलजाने कुरामा माथी उल्लेख गरिएका पार्टीका नेताहरु शिर्ष स्थानमा आसिन रहिरहँदा उनीहरु कसरी गोविन्द के.सीको सत्याग्रहको साँची बन्न सक्थे र यो त असम्भव नै भइहाल्यो ।