२०६९ चैत्र ३० गते, शुक्रबार

काठमाडौं । सानिमा माई हाइड्रोपावर लिमिटेडलाई १० लाख ५५ हजार कित्ता साधरण शेयर निष्काशन गर्न नेपाल धितोपत्र बोर्डले स्विकृती दिएको छ । कम्पनीले छिट्टै उक्त साधरण शेयर निष्काशन गर्ने जानकारी दिएको छ ।कम्पनी ईलाम जिल्लाको २२ मेगावाट निर्माणाधिन माई जलविद्युत आयोजना र ७ मेगावाट माई क्यस्केड जलविद्युत आयोजनाको प्रवर्द्धक कम्पनी हो । कम्पनीले आयोजनाबाट प्रभावित स्थानिय वासिन्दाहरुको लागि सय रुपैयाँ अंकित १० करोड ५५ लाख रुपैयाँ बराबरको उक्त साधरण शेयर निष्काशन गर्न लागेको जनाएको छ ।
कम्पनीले शेयर निष्काशन तथा विक्री प्रबन्धकमा एन.सि.एम. क्यापिटल मार्केट लिमिटेडलाई नियुक्त गरेको छ ।