२०७४ चैत्र ६ गते, मंगलवार

काठमाडौं,६ चैत । हिजोबाट पूर्वी नवलपरासीको कावासोती नगरपालिका लोकाहामा नेपालकै पहिलो परासर प्रतीककुम्भ मेला सुरु भएको छ । मेला २५ गतेसम्म सञ्चालन हुने छ । बौद्धिक सनातन हिन्दु धर्म रक्षाका लागि कुम्भ मेलाको आयोजना गरिएको संकल्पकर्ता देवाचार्य जी महाराजले जानकारी दिए ।
यो क्षेत्रलाई धार्मिक पर्यटनस्थलको रुपमा स्थापित गर्ने, देश विदेशबाट नेपालका तीर्थहरुमा भ्रमण गर्न आउनेहरुका लागि धर्मशाला एवं अन्न क्षेत्र निर्माण गर्ने, वैदिक कामधेनु गौ संरक्षण गर्ने उद्देश्यले मेला सुरु गरिएको हो ।