उद्योग वाणिज्य महासंघको साधारण सभा सुरुहुदै
काठमाडौ, २८ चैत।निजी क्षेत्रको छाता संगठन नेपाल उद्योग वाणिज्य महासंघको ४८ औं साधारणसभा आजदेखि सुरु हुँदैछ ।साधारणसभाले आउँदो तीनवर्षका लागि नयाँ नेतृत्व चयन गर्नेछ । नयाँ नेतृत्वका लागि वर्तमान वरिष्ठ उपाध्यक्ष भाष्करराज राजकर्णिकार र उपाध्यक्ष प्रदीपजंग पाण्डेको समूह चुनावी मैदानमा छन् ।बरिष्ठ उपाध्यक्षमा राजकर्णिकार समूहका पशुपति मुरारका र पाण्डे समूहकी भवानी राणाबिच प्रतिस्पर्धा हुँदैछ । महासंघको बिधान अनुसार निर्वाचनबाट ४ जना पदाधिकारी र बिभिन्न क्षेत्रबाट ५७ जना सदस्य निर्वाचित हुनेछन् । सदस्यहरुमा एशोसिएटबाट १६, वस्तुगत संघहरुबाट १२ र जिल्ला नगर उद्योग वाणिज्य संघहरुबाट १४ जना र १४ अञ्चलबाट १÷१ जना सदस्य निर्वाचित हुनेछन् । त्यसैगरी १ जना द्विराष्ट्रिय सदस्य हुनेछन् ।
महासंघका देशभरका एकलाख भन्दा बढी साना र ठूला उद्योगी व्यवसायी आबद्ध छन् । महासंघको ६ सय ३५ ओटा एसोसिएट सदस्य, ९१ वटा वस्तुगत संघ तथा ९३ वटा जिल्ला नगर उद्योग वाणिज्य संघ छन् ।