गढीमाई मेलामा बलिप्रथा नरोकिने

काठमाडौँ, २८ कात्तिक । प्रशिद्ध गढीमाईको मेलामा बलिप्रथा नरोकिने मेला व्यवस्थापन समितिले जनाएको छ । विभिन्न क्षेत्रबाट चौतर्फी दबाव परे पनि हरेक पाँच बर्षमा लाग्ने बाराको प्रसीद्ध गढिमाइ मन्दिरमा यसपटक पनि भक्तालुहरुको भाकल गरी ल्याइएको बलि चढाउन दिने समितिले जनाएको छ । भाकल गरि बलि चढाउन आउनेमध्ये ९० प्रतिशत भारतीय र १० प्रतिशत नेपाली श्रद्धालुहरु रहने गरेको पञ्च वर्षिय मेला व्यवस्थापन समितिले जनाएको छ ।
मंसिर १ गतेदेखि सुरु हुने मेलामा १७ गते रांगा र १८ गते बोका, कुखुरा, परेवा लगायत पशुपंक्षीको बलि दिइने छ । अघिल्लो मेलामा भारत सरकारले सीमामा कडाइ गरे पनि भारतीय भाकलकर्ताहरुले १८ हजार रांगा र हजारौ बोकाको बलि चढाएका थिए ।
यस बर्ष पनि भारत सरकारले रोक लगाउन सक्ने भन्दै व्यवस्थापन समितिले पशुपंक्षी ल्याउन नसक्ने भारतीयहरुलाई रागांको ८ हजार,बोकाको ३ हजार र कुखुरालगायत पंक्षीको ३ सय रुपैंयाको दरले नेपालमै उपलब्ध गराउने जनाएको छ । मेला व्यवस्थापन समितिका महासचिव मोतीलाल कुशुबाहले आफुहरुले बलि चढाउन प्रेरित नगरेको भन्दै करिब १ करोड दर्शनार्थी मेलामा आउने दाबी गरे । कम्पाउन्ड लगाइएको स्थानमा अनुमति प्राप्त व्यक्तिले मात्र राँगाको बलि दिनेछ भने बोका, हाँस, र कुखुराको बलि पसाह खोलादेखि दुधौरा खोलाको सीमानाभित्र जहाँ पनि दिन मिल्ने समितिले जनाएको छ ।

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>