२०८० पुष २२ गते, आईतवार

काठमाडौँ । जनपक्षीय कलाकार एवम् सामना सांस्कृतिक परिवारका टोलीप्रमुख आरोह सीले अहिले देशमा चलिरहेको गणतन्त्र जनताको हो कि केही सत्तासीनहरुको मात्रै हो ? भन्दै प्रश्न गरेका छन । शनिबार कलङ्कीमा आयोजित सांस्कृतिक कार्यक्रममा बोल्दै उनले यस्तो प्रश्न गरेका हुन । शान्ति, समृद्धि , स्वाधीनता र समाजवादका लागि! महंङ्गी, भ्रष्टाचार , जनघात र रास्ट्रघातका विरुद्ध,राज्य षडयन्त्रको भण्डाफोर तथा जनजागरण अभियानको क्रममा श्रष्टा आरोहले ललिता निवास खानेहरु ,देश बेचेर निल्नेहरु झनै शक्तिशाली र बलशाली भएर गएको बताए । उनले हिजो राजतन्त्र र पञ्चायतमा जो सत्ता र शक्तिमा थिए उनीहरु नै अहिले शक्ति केन्द्रको वरिपरि रहेकोले सर्वसाधारण नागरिकले परिवर्तनको अनुभति गर्न नसकेको बताए । मन्तव्यको क्रममा कलाकार आरोहले आजको मुख्य समस्या भ्रष्टाचार भएको र यसको कारण विद्यमान व्यवस्था भएकोले व्यवस्था नबदलिकन नागरिकको अवस्था बदल्न सकिन्न भन्ने कुरा नेपालमा बारम्बार प्रमाणित भैसकेको समेत दावी गरे ।
‘देशमा आर्थिक राजनीतिक संकट बढ्दै गएको छ, देश बर्बादीको अन्तिम डिलमा छ’ उनले थपे–“यदि हामी देश बचाउन चाहान्छौ भने अब जनताले फ्याकिसकेको राजतन्त्र र हिन्दुतन्त्र होइन अग्रगामी ढङ्गको निकासका लागि समाजवादी व्यवस्था अपरिहार्य छ ।”
नेपाल कम्युनिस्ट पार्टी उपत्यका ब्यूरो अन्तर्गत ३ नम्बर जिल्लाको संयोजनमा भएको कार्यक्रममा सामना सांस्कृतिक परिवारका कलाकारहरुले महासचिव विप्लको गित –जनताको काखैमा बसेर, जनताको मायामा हुर्केर ,जोगायौं आस्था, माइला लामाको ब्यूझ युवाहरु र मणी थापाको गणतन्त्र कसको भन्ने बोलको गित सहित नृत्य प्रस्तुत गरेका थिए भने कार्यक्रममा नेकपा नेताहरु माइला सी र जिल्ला इन्चार्ज डि आर सी लगाएतको सहभागिता रहेको थियो ।