जगदम्बा स्टिल उद्योगको उत्पादन र बिक्रीमा रोक

२०७७ भाद्र ३० गते, मंगलवार

काठमाडौं । गुणस्तर तथा नापतौल विभागले उत्पादन र बिक्रीमा रोक लगाएको छ । विभागले जगदम्बा स्टिल उद्योगले न्यून गुणस्तरको लोहाछड उत्पादन गरेको भेटिएपछिकारवाही फुकुवा नभएसम्म उत्पादन र बिक्रीमा रोक लगाएको हो । विभागले आफ्नो प्रयोगशालामा जाँच गर्दा जगदम्बाले मापदण्डभन्दा बढी केमिकल प्रयोग गरेर उत्पादन गरेको छड न्यून गुुणस्तरको फेला परेपछि कारवाही गरेको जनाएको छ ।
बाराको सिमरामा रहेको सो उद्योगले आफ्ना उत्पादन एक नम्बरको भनेर दाबी गरे पनि गुणस्तर कमजोर देखिएको गुणस्तर तथा नापतौल अचल कार्यालय वीरगञ्जका कर्मचारीको भनाइ छ । उत्पादित लोहाछडमा कैफियत देखिएकाले गुणस्तरको सुनिश्चिता नभएसम्म छडको उत्पादन र बिक्री नगर्न लिखितरुपमा पत्रसमेत पठाइएको विभागका महानिर्देशक विश्वबाबु पुडासैनीले बताए । न्यून गुणस्तर भएको १६ एमएमको टीएमटी बारफी ५०० छड उत्पादनमा रोक लगाइएको हो । विभागका निर्देशक सञ्जीव ठाकुरले उद्योगीको उत्पादन रोक्नका लागि पत्र पठाइएको बताए ।

प्रतिक्रियाहरु

सम्बन्धित समाचारहरु

अलैँची प्रशोधन स्वदेशमै !

२०७७ आश्विन २ गते, शुक्रबार

सुनको मूल्य घट्यो

२०७७ आश्विन १ गते, बिहीबार