२०७० भाद्र २५ गते, मंगलवार

काठमाण्डौं, २५ भदौ । गृहमन्त्रालयले नेपालका कुनै पनि व्यक्ति, संघसंस्था तथा बैंकसँग अन्तर्राष्ट्रिय आतंकवादी माफिया दाउद इब्राहिमको आर्थिक कारोबार भए तत्काल रोक्का गर्न निर्देशन दिएको छ ।गृहले दाउसहित दुई सय ८८ जना आतंकवादी व्यक्ति र संस्थाको विवरण सार्वजनिक गर्दै त्यस्ता व्यक्ति तथा समूहको खाता एवं कुन्े पनि कारोबार भए तत्काल रोक्न सम्बन्धित सबै संस्था तथा वित्तीय निकायालाई निर्देशन दिएको हो । गृहले आतंकवादी अल कायदासँग निकट दुई सय २४ जना र अन्य शंकास्पद ६४ वटा संघसंस्थाको खाता तथा कारोबार निषेध गर्ने निर्णय गरेको छ ।सम्पत्ति शुद्धीकरण ऐन कार्यान्वयनका क्रममा संयुक्त राष्ट्रसंघीय प्रावधान अनुमोदन गर्दै सरकारले आतंककारी संगठन र आतंकवादी व्यक्तिको खाता तथा आर्थिक कारोबार रोक्का गर्न सार्वजनिक सूचना जारी गरेको हो । नेपालले सम्पत्ति शुद्धीकरण ऐन पारित गरिसकेको छ ।