‘गिरफ्तार गर्दैमा क्रान्तिकारी आन्दोलन रोकिदैन झन् शसक्त भएर जान्छ ‘

काठमाडौँ, २७ साउन । नेपाल कम्युनिस्ट पार्टीका प्रवक्ता प्रकाण्डले आफूसहितका नेता–कार्यकर्तालाई गिरफ्तार गर्दैमा क्रान्तिकारी आन्दोलन नरोकिने बरु झन् शसक्त भएर जाने बताएका छन । उनले आफ्नो पार्टीका राजनीतिक गतिविधिमा हस्तक्षेप गरेर सरकारले ठूलो भुल गरेको समेत बताएका छन् । गत मंगबारदेखि प्रहरी हिरासतमा रहेका प्रवक्ता प्रकाण्डले आफ्नो पार्टीले उठाएका राजनीतिक एजेण्डालाई सरकारले जवरजस्त अपराधिकरण गर्न मूर्खता गरेको बताए । प्रवक्ता प्रकाण्डले भने, “हाम्रो राजनीतिक असहमतिलाई राज्यले अपराधिकरण गर्ने मूर्खता गरेको छ । देशभरबाट नेता–कार्यकर्तालाई गिरफ्तार गरेर झुट्टा मुद्दा लगाइएको छ । धरपडक जारी रहेको छ, राजनीतिक विषयलाई राज्यले अपराधिकरण गर्न खोज्यो अब राज्यले ठूलो मूल्य चुकाउनु पर्ने हुन सक्छ ।” केही विषय नपाएर आफूमाथि जबरजस्ती चन्दा असुलीको झुट्टो मुद्दा लगाइएको बताए । “धेरै कुरा त थाहा छैन तर भेट्न आउने मित्रहरुले सुनाएअनुसार चिनजान समेत नभएको व्यक्तिसँग जवरजस्त पैसा असुली गरेको, व्यक्तिगत रुपमा केही आरोप लगाइएका सुनियो । अरु विषय केही नपाएपछि पार्टी र मेरो व्यक्तिगत बदमान गर्न लगाइएका झुटो आरोप मात्रै हुन् । यसमा कुनै सत्यता छैन” प्रकाण्डले भेटमा भने । उनले राजनीतिक विषयलाई अपरधिकरण गरेर कुनै पनि सत्ता नटिकेको उदाहरण दिँदै पार्टीका राजनीतिक एजेण्डालाई अपराधिकरण गर्न अनेक तानावाना बुनेपनि सरकार आफै नांगिने बताए ।
हिरासत बसाई राजनीतिक जीवनको पहिलो भएको बताउँदै प्रकाण्डले आफू छिटै छुट्ने विश्वास व्यक्त गर्दै भने, “हामीले आजीवन जेलमा बस्नु पर्ने कुनै काम गरेका छैनौँ, सरकरले धेरै राखे केही हप्ता र केही महिनासम्म राख्न सक्छ ।” उनले क्रान्तिकारी जनता, पार्टीका कार्यकर्ता, समर्थक र शुभचिन्तकलाई निरास नहुन र पार्टीका कार्यक्रममा सहभागी हुन निर्देशन समेत दिए ।

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>