२०७७ जेष्ठ १६ गते, शुक्रबार

काठमाडौँ, १६ जेठ । स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डाक्टर विकास देवकोटाले नेपालमा थप १ सय ७० जनाको कोरोना परीक्षण रिपोर्ट पोजिटिभ आएको बताए । योसँगै नेपालमा कोरोना संक्रमितको संख्या १ हजार २ सय १२ पुगेको छ भने २ सय ६ जना उपचार पछि घर फर्केका छन् । कोरोनाका कारण हालसम्म ६ जनाले ज्यान गुमाएका छन् । त्यस्तै कोरोन संक्रमित जिल्लाको संख्या पनि ५२ पुगेको छ ।