पत्रपत्रिकालाई प्रेस काउन्सिलको नयाँ नियम

२०७६ श्रावण १ गते, बुधबार

काठमाडौं, १ साउन । प्रेस काउन्सिल नेपालले पत्रपत्रिकाहरुको अभिलेखीकरणका सन्दर्भमा नयाँ नियम लागू गरेको छ । प्रेस काउन्सिल आमसञ्चारका माध्यमहरुको अभिलेखीकरण, वर्गीकरण र आचारसंहिता अनुगमन तथा सञ्चारसम्बद्ध झमेला र मुद्धामामिला हेर्दै आएको निकाय हो । काउन्सिलले २०७६ साउन १ देखि पत्रपत्रिकाको ‘डिजिटल हाजिरी अभिलेखीकरण प्रणाली’ लागू गरेको छ । अब पत्रपत्रिकाका प्रकाशकहरूले आफ्ना प्रकाशन अङ्कहरुको पीडीएफ फाइल बनाएर काउन्सिलको ‘पत्रपत्रिका व्यवस्थापन प्रणाली’ मार्फत् अपलोड गरी ‘हाजिरी’ गराउनु पर्नेछ । पत्रपत्रिकाहरूबाट इन्टरनेटको माध्यमबाट उपलब्ध हुने डिजिटल कपी काउन्सिलको सर्भरमा अपलोड भई सोबाट काउन्सिलमा डिजिटल अभिलेख तयार हुनेछ ।
आ.व. २०७६–७७ को साउनदेखि प्रकाशन भएका सम्पूर्ण पत्रपत्रिकाहरू अनिवार्य रूपमा अनलाइनमार्फत् हाजिरी गर्नुपर्ने भन्दै काउन्सिलले सम्बन्धित सबैलाई विज्ञप्तिमार्फत जानकारी गराएको छ । अनलाइन हाजिरी प्रणालीका लागि http://newspapers.presscouncilnepal.org मा लग–अन गरेर सिस्टमभित्र गई पीडीएफ फाइल अपलोड गर्नु पर्नेछ । पहिलो पटक भने सिस्टम प्रयोगकर्ता रजिस्ट्रेसन (युजर रजिस्ट्रेसन) गर्नु पर्दछ ।
यसका लागि काउन्सिलको वेबसाइटबाट प्रयोग गर्ने तरिका (युजर गाइड) डाउनलोड गरी हेर्न सकिनेछ । कुनै समस्या परेमा काउन्सिलको सचिवालयमा खडा गरिएको सहयोग कक्ष (हेल्प डेस्क) वा टेलिफोन नम्बरहरु ४११२६७८, ४११२७९९ तथा मोबाइल नम्बर ९८२३८२९२६३, ९८६०९८२३५८, ९८०८०२६६५२ मा सम्पर्क गरी सहायता लिन सकिने काउन्सिलले जनाएको छ ।

प्रतिक्रियाहरु

सम्बन्धित समाचारहरु

चार लाख राष्ट्रिय परिचयपत्र वितरण

२०८१ बैशाख १३ गते, बिहीबार

१३ जना जुवाडे पक्राउ

२०८१ बैशाख १३ गते, बिहीबार

डोल्पामा यार्सा सङ्कलन खुला हुँदै

२०८१ बैशाख १३ गते, बिहीबार