२०७५ जेष्ठ २६ गते, शनिबार

काठमाडौं, २६ जेठ । वरिष्ठ न्यूरो सर्जन डा. उपेन्द्र देवकोटाको पछिल्लो स्वास्थ्य अवस्थाबारे अस्पताल र परिवारको तर्फबाट विज्ञप्ति निकालिएको छ । सामाजिक सञ्जालहरुमा आएका खबर सत्य नभएको विज्ञप्तिमा उल्लेख छ । अहिले देवकोटाको स्वास्थ्य अवस्था गम्भीर रहेको बताउँदै सघन उपचार भइरहेको बताइएको छ । शुक्रबार रातिदेखि डा. देवकोटाको निधन भएको खबर सामाजिक सञ्जालमा भाइरल भएको थियो । शनिबार बिहान अस्पताल र परिवारका तर्फबाट विज्ञप्ति जारी गरी त्यसको खण्डन गरिएको छ । अस्पतालले आफ्नो तर्फबाट जारी गरिने आधिकारिक सूचनाबाहेक अन्यमा विश्वास नगर्न पनि अनुरोध गरेको छ । अस्पतालका अनुसार डा. देवकोटाको अवस्था गम्भीर छ र सघन उपचार चलिरहेको छ ।