२०७२ बैशाख ११ गते, शुक्रबार

काठमाडौं, ११ वैशाख ।महोत्तरीको जलेश्वर नगरपालिकाका शाहीकालिन मेयर शंकर साहलाई प्रहरीले पक्राउ गरेको छ । स्थानिय संसारीमाई पूजा समितिको दुई लाख ७५ हजार रुपैयाँ हिनामिना गरेको अभियोगमा प्रहरीले साहलाई बिहीबार राती पक्राउ गरेको हो । जलेश्वर २ घर भएका साहले गएको असार २४ गते जलेश्वर नगरपालिकाबाट लिएको दुईलाख ७५ हजार रुपैयाँ आफैंले चलाएको अभियोगमा प्रहरीले साहलाई घरैबाट पक्रउ गरेको हो ।
समितिका अध्यक्ष साहले मन्दिरको जिर्णोद्वार गर्न भनी नगरपालिकाबाट लिएको रकम समितिका अन्य कुनै पनि पदाधिकारीलाई जानकारी नदिई आफैंले चलाएको आरोप छ । साहले समितिको रकम हिनामिना गरेको भनी जलेश्वर १ का उमेशकुमार साहले दिएको जाहेरीको आधारमा उनलाई पक्राउ गरिएको महोत्तरीका प्रहरी उपरिक्षक सौरभ रणाले जानकारी दिनुभयो । पक्राउ परेका साहले समितिको रकम हिनामिना गरेको स्वीकारेका छन् ।