२०८१ बैशाख १७ गते, सोमबार

काठमाडौँ । न्युजिल्यान्डले वेस्ट इन्डिज र अमेरिकामा आयोजना हुने टी-२० विश्वकप खेल्न केन विलिम्सनको कप्तानीमा १५ सदस्यीय अन्तिम टोली सार्वजनिक गरेको छ । टोलीमा फिन अलन, ट्रेन्ट बोल्ट, मिचेल ब्रिसवेल, मार्क च्यापम्यान, डेवन कन्वे, लोकी फ्रगुसन, मेट मेनरी, डेरियल मिचेल, जिम्मी निसम, गिलेन फिलिप्स, रचिन रवीन्द्र, मिचेल सान्तनर, इस सोधी र टिम साउथी छन् । योसँगै आगामी जुनमा हुने टी-२० विश्वकपका लागि टिम घोषणा गर्ने न्युजिल्यान्ड पहिलो टिम बनेको छ । न्युजिल्यान्ड विश्वकप खेल तालिकामा ग्रुप सी मा रहेको छ । पहिलो खेल जुन २४ मा अफगानिस्तानसँग खेल्दैछ ।