२०७३ जेष्ठ १७ गते, सोमबार

काठमाडौं, १७ जेठ । नेपाल आयल निगमले सरकारले पेट्रोलियम पदार्थमा पूर्वाधार कर लगाए पनि तत्काल मूल्य नबढ्ने बताएको छ । अर्थमन्त्री विष्णु पौडेलले शनिबार सार्वजनिक गरेको बजेटमा पेट्रोल, डिजेल र हवाई इन्धनमा प्रतिलिटर पाँच रुपैयाँ पूर्वाधार कर लगाउने उल्लेख छ । यो रकम बुढी गण्डकी जलविद्युत आयोजना निर्माणमा खर्च गरिने भनिएको छ । तर आयल निगमले पूर्वाधार कर लाग्दैमा तत्काल मूल्य नबढ्ने बताएको छ । निगमका प्रवक्ता मुकुन्द घिमिरेले अहिले भइरहेको नाफाबाटै यो रकम व्यवस्था गरिने जानकारी गराउँदै मूल्य नबढ्ने बताएका छन ।