२०७१ फाल्गुन १९ गते, मंगलवार

काठमाडौँ, १९ फागुन । रामेछापवासीहरु हिमाल हाइड्रो पावरले निर्माण गरेको खिम्ति जलविद्युुत आयोजना र निर्माणाधिन माथिल्लो तामाकोसी जलविद्युुत आयोजनाको शेयर माग गर्दै आन्दोलित भएका छन ।दुईवटै जलविद्युुत आयोजनाबाट रामेछापबासीहरु ठगिएको भन्दै जिल्लावासीहरु आन्दोलनमा उत्रिएका हुन । जिल्लावासीहरुले संघर्षमा जाने निर्णय गरेका हुन ।
माथिल्लो तामाकोसी आयोजनाले दोलखावासीलाई मात्र शेयर दिने निर्णय गरेको प्रति रामेछापबासीहरुको असहमति रहेको छ । दोलखा र रामेछाप वहाव क्षेत्र रहेको तामाकोसी नदीका प्रभावित क्षेत्रको रुपमा दोलखावासीलाई मात्र तोक्नु प्राकृतिक नियमविपरीत रहेको उनीहरुको भनाइ छ ।