२०८० श्रावण २४ गते, बुधबार

काठमाडौँ । फिफा महिला विश्वकप फुटबलमा क्वाटरफाइनल समिकरण पुरा भएको छ । राउण्ड अफ सिक्सटिनको अन्तिम खेलमा फ्रान्सले मोरक्कोलाई पराजित गरेसँगै विश्वकपको क्वाटरफाइनल समिकरण पूरा भएको हो । अष्ट्रेलियाको हिन्दमार्श रंगशालामा मंगलबार भएको खेलमा मोरक्कोलाई ४–० ले हराउँदै फ्रान्स अन्तिम आठमा प्रवेश गरेको हो । मंगलबार नै मेलबर्नमा भएको पहिलो खेलमा जमैकालाई १–० ले हराउँदै कोलम्बिया पनि क्वाटरफाइनलमा पुग्यो । क्वाटरफाइनल खेलहरु यही शुक्रबार र शनिबार हुनेछ ।
शुक्रबार जापान र स्विडेन तथा स्पेन र नदेरल्याण्ड्स भिड्दा शनिबार अष्ट्रेलिया र फ्रान्स तथा कोलम्बिया र इंग्ल्याण्डबिच खेल हुनेछ ।