प्रचण्ड भारत जाँदै
२०७२ असार २९ गते, मंगलवार
काठमाडौं, २९ असार । एकीकृत नेकपा माओवादीका अध्यक्ष पुष्पकमल दाहाल प्रचण्ड पाँच दिने भ्रमणमा लागि आज अपरान्ह चार बजे भारत प्रस्थान गर्दैछन् ।प्रचण्ड इण्डियन एयरबाट भारत जाने कार्यक्रम तय भएको प्रचण्डका स्वकीय सचिव चूँडामणि खड्काले जानकारी दिए । भारतीय विदेश मन्त्रालयको निमन्त्रणामा भारत जान लागेका प्रचण्डले भारतीय राष्ट्रपति प्रणव मुखर्जी, प्रधानमन्त्री नरेन्द्र मोदी, परराष्ट्रमन्त्री सुष्मा स्वराज लगायतसँग भेटवार्ता गर्ने कार्यक्रम रहेको छ । भेटका क्रममा प्रचण्डले निर्माणाधीन नेपालको नयाँ संविधान, लिपुलेकबारे भारत र चीनले गरेको सम्झौता लगायतका विषयमा छलफल गर्नेछन् ।
