२०७१ पुष १९ गते, शनिबार

काठमाडौँ । त्रिवि शिक्षाशास्त्र केन्द्रीय विभागको नतिजालाई लिएर परीक्षार्थी र विद्यार्थी संगठनले थालेको आन्दोलन सेमेस्टर प्रणालीनै हटाउने तर्फ उन्नमुख हुन थालेको छ ।गत फागुनदेखि सुरु भएको सेमेस्टर प्रणालीको पहिलो ब्याचमा प्रकाशित रिजल्ट पुरानो वार्षिक प्रणालीभन्दा निराशाजनक भएको भन्दै आक्रोशित विद्यार्थीले पुस ७ गते शिक्षाशास्त्र विभागमा ताला मात्रै ठोकेनन्, नयाँ भर्ना फारम वितरण गर्नसमेत रोक लगाए ।
यो रोकावटसँगै मानविकी, व्यवस्थापन, र विज्ञान संकायमा प्रकाशन गर्न ठिक्क पारेको रिजल्टबारे के गर्ने भन्ने अन्योल परेको छ ।
साथै त्रिवि केन्द्रीय विभाग कीर्तिपुरमा मात्र लागू सेमेस्टर प्रणालीलाई काठमाण्डु उपत्यकाका अरु आंगिक क्याम्पसमा लागू गर्ने त्रिवि प्रशासनको रणनीति लागू हुन्छ कि हुँदैन भन्ने अन्योल उत्पन्न भएको छ ।