२०७३ कार्तिक १८ गते, बिहीबार

काठमाडौं , १८ कात्तिक । नेकपा (माअाेवादी) निकट अखिल नेपाल भूमिहीन सुकुम्बासी संघका जनकपुर ब्युराे संयाेजक लाल बहादुर लामालाई आज बिहान ५ बजे घरबाटै प्रहरीले गिरफ्तार गरेकाे संघका केन्द्रीय अध्यक्ष अाेम प्रकाश पुनले जानकारी दिएका छन् । यस बिषयमा पुनले एक विज्ञप्ति जारी गर्दै लामाकाे गिरफ्तारीप्रति ध्यानाकर्षण भएको बताउँदै तत्काल रिहाइ नगरे कात्तिक २० गतेदेखि देशव्यापी संघर्षकाे जाने बताएका छन् ।
‘सर्लाहीको धरहरा सुकुम्बासी बस्ती उजाड पार्ने दलाल राज्यले साेही बस्तीका लाेकप्रिय सुकुम्बासी नेता लाल बहादुर लामाकाे गिरफ्तारीले देशका सिंगाे भुमिहिन सुकुम्वासीलाई अाक्राेसित बनाएकाे छ र लामालाई तत्काल रिहाइ नगरे संगठनकाे तर्फबाट कडा संघर्षको घाेषणा गर्न बाध्य हुनेछाैँ’ जारी विज्ञप्तिमा भनिएकाे छ ।
संगठनले मंसिर ११ गतेदेखि पूर्वमेचीदेखि पश्चिमामहाकालीसम्म ‘मेचि महाकाली एकिकृत भूमिहिन सुकुम्बासी जागरण अभियान’ लाई असफल बनाउने षड्यन्त्रका साथ लामाकाे गिरफ्तारी गरिएकाे पुनले विज्ञप्तिमा उल्लेख गरेका छन् ।