रिसोर्टमा आक्रमण, १६ जनाको मृत्यु
२०७२ चैत्र १ गते, सोमबार
काठमाडौं, १ चैत । अफ्रिकी मुलुक आइभरी कोस्टको अबिजानमा बन्दुकधारीले एक रिसोर्टमा गरेको आक्रमणमा १६ जनाको मृत्यु भएको छ ।
आक्रमणमा मृत्यु हुनेमा १४ जना सर्वसाधारण र दुई सैनिक रहेका छन् । दुई पक्षबीच भएको गोली हानाहानमा छ जना आक्रमणकारीसमेत मारिएका छन् ।
आक्रमणकारीहरुले एक होटलमा आएका पर्यटकलाई लक्षित गर्दै गोली प्रहार गरेको प्रत्यक्षदर्शीहरुले बताएका छन् ।
