२०७२ भाद्र १४ गते, सोमबार

काठमाडौं, भदौ १४ – शिक्षण अस्पतलाका आवासीय डाक्टरले ओपिडी सेवामा काम नगर्ने भएका छन् । अनसनमा बसेका डाक्टर गोविन्द केसीको माग सम्बोधन गर्न सरकारले बेवास्ता गरेको भन्दैै डाक्टरले ओपिडी सेवामा काम नगर्ने भएका हुन् । डाक्टर केसीको समर्थनमा त्रिभुवन विश्वविद्यालय शिक्षण अस्पतालका आवासीय डाक्टरले काममा सहभागी नहुने निर्णय गरेका हुन् । आज दिवा सत्र अर्थात दिउँसो २ बजेदेखि शिक्षण अस्पतालको ओपिडीमा सेवा नदिने बताएका छन् ।
ओपिडीमा काम गर्ने आवासीय डाक्टरले काम नगर्दा उपचार सेवा प्रभावित हुने अस्पतालले जनाएको छ । अहिले त्रिभुवन विश्वविद्यालय शिक्षण अस्पतालमा दुईसय भन्दा धेरै आवासीय डाक्टर कार्यरत छन ।