स्कुल बसमा आगजनी !

२०८१ बैशाख ३० गते, आईतवार

काठमाडौँ । चितवन कल्याणपुरस्थित स्मल हेभन स्कुलको बसमा अज्ञात समूहले आगजनी गरेको छ । भरतपुर महानगरपालिका २० दद्रेनी नजिकै विद्यार्थी लिन गएको स्कुल बसमा अज्ञात समूहले आगजनी गरेको हो । विद्यालयले दिएको जानकारी अनुसार चनौली, द्रद्रेनी, शुक्रनगर पटिहानी हुँदै विद्यार्थी लिन गएको बागमती प्रदेश ०६ ००१ क ००४५ नम्बरको बसमा ६ जनाको समूहले आगजनी गरेर भागेको हो ।
बस जलेर पूर्ण रुपमा क्षति भएको छ । तीनवटा मोटरसाइकलमा आएका ६ जनाको समूहले बसमा पेट्रोल छर्किएर आगो लगाएका हुन् । उनीहरु सबै फरार छन् । बस जलाउने व्यक्तिहरूले बसका सहचालकको मोबाइलसमेत लुटेर लगेका छन् । सो समूहले ‘कार्बाही गर्छौं भनेका थियौं, गरियो’ भनेर गएको सहचालकले बताएका छन् ।

प्रतिक्रियाहरु