२०७२ भाद्र २ गते, बुधबार

काठमाडौ , २ भदौ । आज श्रावण शुक्ल पन्चमी अर्थात नाग पन्चमी । हिन्दु धर्मावलम्वीले अस्टनागको पुजा गरी मनाइदैछ । आजका दिन घरको मूलद्धारमा नागको तस्विर टाँसेर पूजा गरेमा वर्षदिन दुष्टको प्रवेश नहुने धार्मिक विश्वास रहिआएको छ । प्रत्येक वर्ष झै यसवर्षपनि आजका दिन काठमाडौको नक्सालमा रहेको नागपोखरी, धापाखेलको नागदह, ललितपूरको टौदह, थानकोटको दहचोक लगायतका स्थानमा मेला लागेको छ ।
ज्योतिष गुरु डा. लोकराज पौडेलका अनुसार आज मध्यान्न सम्म नागको पूजा गरिसक्नु पर्ने साइत रहेको छ । जलाशय पँधेरा, धारा कुवा , इनार लगायत पानीको मुहान स्रोतमा नागको बासस्थान रहने विश्वास रहिआएकाले आजको दिन पानी पँधेरामा पनि कपासको नाग बनाई दूध चढाई पूजा गर्ने चलन पनि रहेको छ ।