२०७१ भाद्र १८ गते, बुधबार

काठमाडौं, १८ भदौ– गाडीहरुको प्रदर्शनी नाडा अटो शो काठमाण्डुको भृकुटी मण्डपमा आजबाट सुरु हुँदैछ । ६ दिनसम्म चल्ने शोमा साना ठूला गरी करिब सयवटा गाडीका स्टल छन् ।
सवारीसम्बन्धी सम्पूर्ण जानकारी जानकारी गराउने उद्धेयले मेला आयोजना गर्न लागिएको नेपाल अटो मोबाइल डिलर्स एसोसिएसन नाडाले जनाएको छ । नाडाले पहिलोपटक सन १९९८ मा भृकुटीमन्डपमा मेला आयोजना गरेको थियो ।
मेलामा मोटरसाइकलदेखि गाडी तथा स्पेयर पार्टस उपलब्ध हुनेछन् । मेलामा १२ ब्रान्डका २ पांग्रे र ११ ब्रान्डका २ पांग्रे सवारी साधन राखिने छ ।
मेलामा अधिकांश सवारी साधन बिक्रेता कम्पनीले नयाँ गाडी राख्ने भएका छन् । विश्व प्रसिद्ध विभिन्न गाडी कम्पनीका आधिकारिक विक्रेताहरुले शोका लागि गाडी भित्र्याइसकेका छन् ।
शोमा दाइहात्सु, फियाट, फोर्ड, होण्डा, हुण्डाई, किया, स्कोडा, सुजुकी, टाटा, टोयोटा, फक्सवागेनलगायतका ब्रान्डका नयाँ तथा आधुनिक सवारी साधन प्रदर्शनीका लागि राखिने जनाइएको छ।