२०७० जेष्ठ २५ गते, शनिबार

रूसको एउटा जेलका सुरक्षाकर्मी त्यतिबेला हैरान भए जब उनीहरूले एउटा बिरालोले जेलभित्र प्रतिबन्धित सामाज लैजाने प्रयास गरिरहेको अवस्थामा फेला पारे । रूसको उत्तरी राज्य कोमीको जेल सेवाले आफ्नो वेभसाइटमा विरालोलाई राजधानी सिकटिफकारको जेलको कोलनी नम्बर- १ मा मे ३१ का दिन हिरासतमा लिएको उल्लेख गरेको छ । रूसको निजी क्षेत्रको समाचार समिति इन्टरफ्याक्सका अनुसार जेलका सुरक्षाकर्मी जतिबेला गस्तीमा थिए तब उनीहरूले एउटा विरालो जेलको दिवार नाघ्ने प्रयास गरिहेको थियो । यो देखेपछि सुरक्षाकर्मीलाई नियन्त्रणमा लिए । सुरक्षाकर्मीले कालो र सेतो रङ्गको विरालोको ढाडमा टेप लगाएर दर्ुइ मोबाइल फोन, त्यसको व्याटि्र र चार्ज बाँधेको अवस्थामा फेला पारे । कोमी राज्य जेल सेवाले आफ्नो वेभसाइटमा यो विरालोको तस्वीर पनि र्सार्वजनिक गरेको छ । तस्वीरमा एक सुरक्षाकर्मीले विरालोको गर्धनमा समातेको देखाइएको छ । विरालोको ढाडमा मोबाइल बाँधिएको छ । जेल प्रशासनका अनुसार प्रतिबन्धित वस्तु जेलभित्र लैजाने कयौ प्रयास यसअघि पनि विफल भइसकेको छ । तर, विरालोले सामान ओसारेको यो घटनाले सबैलाई आर्श्चर्यमा पारेको छ । जेल इतिहासमा यस्तो घटना कहिल्यै नभएको अधिकारीहरूको भनाइ छ । जेल निर्देशनालयले पछिल्लो समय देखिएको कैदीको कल्पनाशीलता देखेर अचम्ममा परेको जनाएको छ । यसअघि यसरी नै भर्जिन मैरीको एउटा प्रतिमामा लुकाएर लगिँदै गरेको मोबाइल फोन, सिमकार्ड र मेमोरी कार्ड बरामद गरिएको थियो । एजेन्सी