२०७४ माघ १९ गते, शुक्रबार

काठमाडौं, १९ माघ । भारतीय बिदेशमन्त्री शुस्मा स्वराजले आज बिहान राष्ट्रपति , प्रधानमन्त्री र नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेटवार्ता गर्ने कार्यक्रम छ । आज बिहान स्वराजले होटल सोल्टीमा माओवादी अध्यक्ष प्रचण्डसँग ब्रेकफास्ट वार्ता गर्ने छिन । उनिहरुबीच बिहान साढे ९ मा भेटवार्ता हुने नेकपा माओवादी केन्द्रले जनाएको छ ।
त्यसलगत्तै स्वराज राष्ट्रपति बिद्यादेवी भण्डारीलाई भेट्न शीतलनिवास जाने बताइएको छ । राष्ट्रपतिसँगको भेटपछि उनले प्रधानमन्त्री शेरबहादुर देउवासँग भेटवार्ता गर्ने र प्रधानमन्त्रीले बालुवाटारमा आयोजना गर्ने दिवाभोजमा सामेल भएर अपराह्न दिल्ली फर्कन कार्यक्रम रहेको छ ।