२०७४ जेष्ठ २६ गते, शुक्रबार

काठमाडौं, २६ जेठ । छिमेकीहरुको घेराबन्दीमा परेको खाडी मुलुक कतारमाथि इजिप्टले अतिवादीलाई फिरौती दिएको आरोप लगाएको छ । इजिप्टले संयुक्त राष्ट्र सुरक्षा परिषदसँग यस सम्बन्धमा जाँच गर्न माग गरेको छ । कतारले इराकस्थित अतिवादी समूहलाई एक सय करोड डलर फिरौती दिएको आरोप इजिप्टले लगाएको हो । यो रकम कतारको शाही परिवारका केही व्यक्तिसहित २६ जनालाई अतिवादी कब्जाबाट छुटाउन खर्चिएको दावी गरिएको छ । दक्षिण इराकमा शिकारमा रहेका बेला शाही परिवार अतिवादी कब्जामा परेको केहीले बताएका छन् ।
गत हप्तामात्र साउदी अरब, इजिप्ट, बहराइन, यमन, लीबिया, संयुक्त अरब इमिरेट्सले कतारसँग सम्बन्ध एक साथ तोडेका थिए । कतारले आईएस र अलकायदालाई समर्थन गरेको आरोप यी देशले लगाएका छन् भने कतारले आरोप अस्वीकार गर्दै आएको छ । – एजेन्सी