२०७४ जेष्ठ २० गते, शनिबार

काठमाडौं, २० जेठ । पूर्बी भारतको विहार प्रदेशको कक्षा १२ को परीक्षामा सर्वोत्कृष्ट अंक ल्याएका एकजना विद्यार्थी प्रहरी नियन्त्रणमा परेका छन् । उमेर ढाँटेको अभियोगमा ती विद्यार्थीलाई पक्राउ गरी अनुसन्धान सुरु गरिएको प्रहरी अधिकारीहरुले जानकारी दिएका छन् । गणेश कुमार नामका ती विद्यार्थीले यस वर्षको कक्षा १२ को बोर्ड परीक्षामा विहार प्रदेश मै सबैभन्दा धेरै अंक ल्याएका थिए । दुई सन्तानका बाबुसमेत रहेका उनले आफ्नो उमेर ४२ वर्ष भएपनि ढाँटेर २४ बनाएको अभियोग लगाइएको छ । उनले विहार विद्यालय परीक्षा बोर्डमा आफ्नो उमेर ढाँटेर दुरुपयोग गरेको पाइएको छ,’ एक जना वरिष्ठ प्रहरी अधिकारीले शनिबार (आज) भने ।
बोर्डका अध्यक्ष आनन्दकिशोरले सञ्चारकर्मीहरुसँग भने,–‘कुमार, जो कक्षा १२ को परीक्षामा सबैभन्दा धेरै अंक ल्याएका थिए, उनको उमेरकाबारेमा टिप्पणी गर्दै उजुरी परेपछि उनलाई प्रहरीले पक्राउ गरेको हो ।’ – रासस/सिन्ह्वा