२०७३ माघ २६ गते, बुधबार

काठमाडौं, २६ माघ । तकसेरा सरोकार समितिले रुकुमको पुथा उत्तरगंगा गाउँपालिकाको केन्द्र तकसेरामा राखिनुपर्ने माग गर्दै आजदेखि रुकुम बन्द गरेको छ । तकसेरा सरोकार समितिले रुकुम बन्द गरेसँगै जिल्ला भित्रने र जिल्लाबाट बाहिरिने कुनै पनि सवारी साधन चलेका छैनन् । स्थानीय तह पुनर्संरचना गर्दा जिल्लाका राजनीतिक दल र प्राविधिक समितिले बनाएको भन्दा आयोगले फरक तरिकाले गाउँपालिकाको केन्द्र तोकेको भन्दै तकसेरावासी आन्दोलित भएका हुन् । निर्णय नसच्याएसम्म आन्दोलन र विरोध जारी राख्ने र आफूहरु गाउँ नफर्कने तकसेरा सरोकार समितिले जनाएको छ ।