२०७० माघ १ गते, बुधबार

चितवन , १ माघ । पूर्वी चितवनको खैरहनी–५ सुल्तानामा पहिलोपटक खिचरा महोत्सव हुँदैछ ।थारू जातिको महान चाड माघीको अवसरमा थारू कल्याणकारिणी सभा चितवन क्षेत्र नं ७ को आयोजनामा महोत्सव हुन लागेको हो ।महोत्सवमा थारू जातिको खानाको परिकारसहितको ६ वटा स्टल रहने छ । महोत्सव आयोजनाका लागि करिब दुई लाख रुपैयाँ खर्च हुँदैछ ।स्टलहरुमा थारू जातिको परिकारमध्ये माघी पर्वमा खाइने चिचर, माछा, घोङगी, ग्वागा लगायतका रहने सभाका सचिव दिलीप महतोले जनाए । त्यस्तै महोत्सवमा झाम्टा नाच, डम्फु नाच, लाठी नाच, झुमरी नाच, रजधारी नाच लगायत परम्परागत नृत्य प्रस्तुत गरिने छ ।