एक करोड ८२ लाख ५१ हजार नक्कली नोटसँगै भारतीय नागरिक पक्राउ

२०८० माघ २९ गते, सोमबार


काठमाडौँ । प्रहरीले एक करोड ८२ लाख ५१ हजार नक्कली नोटसहित भारतीय नम्बर प्लेटको स्करपियो गाडी नियन्त्रणमा लिएको छ।आइतबार भारतीय गाडीमा राखेर ल्याउँदै गरेको अवस्थामा इनरुवा नगरपालिका-४ स्थित सुनसरी खोलाको पुलनजिकबाट नक्कली नोट बरामद गरिएको सुनसरीका प्रहरी उपरीक्षक(एसपी) विपिन रेग्मीले बताए। नक्कली नोटसहित प्रहरीले एकजना भारतीय नागरिकलाई पनि नियन्त्रणमा लिएको छ।
सवारीसाधन चेकजाँचमा खटिएको ट्राफिक प्रहरीको टोलीले बीआर ११ एक्स ३४२९ नम्बरको स्कोरपियो गाडी रोकेकोमा शंका लागेपछि खानतलासी गर्दा पछाडिको भागमा लुकाइछिपाइ ल्याइएको नक्कली नोट बरामद भएको रेग्मीले बताए।
बोराभित्र झोलामा राखेर ल्याइएको अवस्थामा नक्कली नोट फेला परेको प्रहरीले जनाएको छ। प्रहरी स्रोतका अनुसार गाडी चालक भारत वीरपुरका २२ वर्षीय मोहमद सैयद पनि पक्राउ परेका छन्। गाडीमा सवार अर्का व्यक्ति भने फरार छन्। गाडी भारतबाटै आएको देखिएको र अनुसन्धान प्रक्रिया अघि बढाइएको प्रहरीले जनाएको छ।

प्रतिक्रियाहरु

सम्बन्धित समाचारहरु

व्यापार घाटा ८ खर्ब ११ अर्ब

२०८० फाल्गुन ९ गते, बुधबार

‘ सर्वसाधारणको निक्षेप सुरक्षित छ’

२०८० फाल्गुन ८ गते, मंगलवार

नेप्से १.७६ अंकले घट्यो

२०८० फाल्गुन ८ गते, मंगलवार