२०७९ माघ ८ गते, आईतवार

काठमाडौँ । ब्राजिलका सेना प्रमुख जनरल जुलियो सेजर डे अरुडा बर्खास्त भएका छन । ब्राजिलमा यहि जनवरी ८ तारिखमा भएको संसद भवन, राष्ट्रपति भवन तथा सर्वोच्च अदालतमाथिको आक्रमण रोक्न प्रभावकारी भूमिका निभाउन नसकेको आरोपमा राष्ट्रपति लुइज इनासियो लुला दा सिल्भाले सेना प्रमुख अरुडालाई बर्खास्त गरेका हुन् । गत डिसेम्बर ३० मा सेनाको कमाण्ड सम्हालेका सेनाप्रमुख अरुडालाई ३ हप्तामै पदबाट हटाइएको हो। राष्ट्रपति लुइजले सशस्त्र बलका सदश्य र प्रदर्शनकारीहरुसँग मिलेर देशमा हिंसा भड्काएको आरोप लगाउँदै यसअघि पनि थुप्रै उच्च पदस्थ अधिकारीहरुलाई बर्खास्त गरिसकेका छन ।
ब्राजिलको सर्वोच्च अदालतले संसद भवनमाथिको आक्रमणकाे बारेमा छानविन गरिरहेको छ । जसमा पूर्वराष्ट्रपति जायर बोल्सोनारोलाई मुख्य योजनाकार मानिएको छ । गत अक्टोबरमा भएको राष्ट्रपति निर्वाचनमा धाँधली भएको भन्दै बोल्सोनारोका समर्थकले राजधानी ब्रासिलिया लगायत अन्य शहरहरुमा प्रदर्शन जारी नै राखेका छन् ।-एजेन्सी