१४ किलो सुनसहित दुईजना पक्राउ

२०८० मंसिर २२ गते, शुक्रबार


काठमाडौँ । त्रिभुवन विमानस्थल, भन्सार कार्यालयले विमानस्थलबाट १४ किलोग्राम सुनसहित दुईजनालाई पक्राउ गरेको छ। कार्यालयले फ्लाइ दुबईको उडान नं एफजेड-५७३ बाट आएका गोरखाका मीनबहादुर घलेसहित २ जनालाई पक्राउ गरेको हो। कार्यालयका भन्सार अधिकृत रमेश कुँवरले घलेले छातीको दायाँबायाँ कपडामा बेरेर लुकाइछिपाई ल्याएको सात थान बिस्कुट आकारको १४ किलोग्राम सुनसहित (सुनजस्तो देखिने पहेलो धातु) पक्राउ गरिएको राससलाई जानकारी दिए।
काठमाडौँ उपत्यका प्रहरी कार्यालयका प्रवक्ता प्रहरी वरिष्ठ उपरीक्षक दिनेशराज मैनालीले घलेका सूचनाका आधारमा थप एक जनालाई पक्राउ गरिएको बताए।
पक्राउ परेका घलेलाई निकासी पैठारी नियन्त्रण ऐन, २०१३ र भन्सार ऐन, २०६४ अन्तर्गत भन्सार महसुल छली तथा चोरी पैठारी कसुर गरेकाले थप अनुसन्धानका लागि कार्यालय खुलेसँगै त्रिभुवन विमानस्थल कार्यालय गौचरनमा बुझाउने गरी प्रहरी प्रभाग कोटेश्वरको जिम्मा लगाएको छ। घटनाका बारेमा थप अनुसन्धान भइरहेको प्रवक्ता मैनालीले बताए।

प्रतिक्रियाहरु

सम्बन्धित समाचारहरु

व्यापार घाटा ८ खर्ब ११ अर्ब

२०८० फाल्गुन ९ गते, बुधबार

‘ सर्वसाधारणको निक्षेप सुरक्षित छ’

२०८० फाल्गुन ८ गते, मंगलवार

नेप्से १.७६ अंकले घट्यो

२०८० फाल्गुन ८ गते, मंगलवार