काठमाडौँ । नेपाल कम्युनिष्ट पार्टीका महासचिव विप्लव सी ले वर्तमान संकटको निकास बैज्ञानिक समाजवाद मात्र भएको ठोकुवा गरेका छन । सोमवार नेकपा सुर्खेतले दशरथपुरमा पञ्चायत विरुद्धको आन्दोलनमा सहादत्त प्राप्त गर्ने सहिदहरुको स्मृतिमा आयोजना गरेको जनसभालाई सम्वोधन गर्दै महासचिव विप्लव सी ले सो कुरा बताएका हुन ।
महासचिव विप्लव सी ले अहिले पुरानो संसदीय व्यवस्था पूर्ण असफल भएकाले यो वेला कसैले राजा ल्याउने हल्ला फैलाउनु ,कसैले स्वतन्त्र पार्टीको विकल्पको कुरा गर्नु त्यो जायज नहुने भन्दै वर्तमान संकटको निकास बैज्ञानिक समाजवाद मात्र भएको ठोकुवा गरेका हुन ।
महासचिव विप्लव सीले देशलाई राष्ट्रघात र जनघातवाट वचाउन सम्पूर्ण समाजवादी विचार राख्ने कम्युनिष्टहरु एकतावद्ध हुनुपर्ने बताए । उनले अग्रगामी निकासको वाटो समाजवाद हुदाहुदै पश्चगामी र २४० वर्ष शासन चलाएको राजतन्त्र फर्काउने हल्ला गर्नु बेकार भएको उल्लेख गर्दै – “नेपाली नेताहरु विदेशीको चाकरी गर्ने, पैसाका लागि लम्पसार पर्ने नागरिकलाई समेत वेचेर खाने गलत नियतका कारण देश आर्थिक तथा राजनैतिक संकटतिर गएको हो ।”

यसैगरी, महासचिव विप्लव सी ले निरंकुश पञ्चायतविरुद्धको आन्दोलनका क्रममा उच्च सहादत प्राप्त गर्ने दशरथपुर विद्रोहका ७ जना सहिदलाई राष्ट्रिय सहिद घोषणा गर्न पहल गरिने प्रतिवद्धता जनाए । उनले दशरथपुरको जनविद्रोह पञ्चायतीहरुको अत्याचारको उच्च रुप भएको भन्दै बलिदानको इतिहासलाई अवमुल्यन गर्न नहुने वताए । उनले भने – “आजको दिन एक महत्वपूर्ण दिन हो, एकातिर गणतन्त्र दिवस मनाईदैछ भने अर्कोतिर विद्राह दिवस पनि मनाईदैछ, अहिलेको गणतन्त्र प्राप्तिको लागि योगदान गर्ने भनेका सहिदहरु हुन । जुन दशरथपुर,झापा,भिमदत्त पन्तको विद्रोह देखि जनयुद्ध, जनआन्दोलन र एकीकृत जनक्रान्ति सम्मका सवै विद्रोहका सहिदहरुको योगदान छ ।”
महासचिव विप्लव सी ले दशरथपुरको विद्यार्थी तथा किसानहरुको विद्रोहलाई इतिहासको गर्भमा लुकाउन नहुने तर्फ जोडदिदै यो विद्रोहलाई राष्ट्रिय तथा अन्तर्राष्ट्रिय स्तरमा स्थापित गरिनुपर्ने वताए । उनले सहिद भनेका देशका पूँजी भएको तर्क गर्दै सवै पार्टीहरुले दशरथपुरको इतिहासलाई साझा रुपमा लिएर यहाँका सहिदहरुलाई छिट्टै राष्ट्रिय सहिद घोषणा गर्नेमा सहमति हुने विश्वास व्यक्त गरे ।
महासचिव विप्लव सी ले भने“आज जे कारणले नेता भएका छन दशरथपुरको विद्रोहले हो,जे परिवर्तन भएको छ यहि विद्रोहले हो,सुर्खेतीहरु अन्यायलाई सहदैनन बहादुरहरुका सन्तान हुन भन्ने इतिहास झल्किएको छ, यसमा निरास होइन गर्व गर्नुपर्छ ।”

महासचिव विप्लव सी ले पञ्चायतको निरंकुश शासन भित्र २०३६ साल जेठ १५ गते विद्रोह गर्ने कुरा सामान्य नभएको भन्दै यो विद्राहलाई सिंगो राज्यले उच्च सम्मान गर्नु पर्ने बताउदै यो विद्राहको सम्मान हुन नसक्नु, सहिद परिवार र घाईतेहरुले अहिले सम्म राहत नपाउनु र सहिदहरु राष्ट्रिय सहिद हुन नसक्नु दुखद कुरा भएको वताए । उनले यसलाई अव छिट्टै समाधान गर्नेतिर सरकारसंग पहल गरिने आश्वासन दिए ।
महासचिव विप्लव सी ले किसानहरुले मल वीउ समयमा नपाउनु, जनताका छोरा छोरीहरुले शिक्षा दिक्षा नपाउनु,पञ्चहरुले मात्र आफ्नो छोरा छोरीलाई पढाउनु, समाजमा शोषण दमनले उग्ररुप लिनुको परिणाम नै दशरथपुर विद्रोह जन्मिएको उल्लेख गर्दै भने – ‘यो विद्रोहले वहुदलीय व्यवस्थाको स्थापना गर्दै अहिले सम्मको परिवर्तन सम्म योगदान गरेको छ ।’
उनले विद्रोहमा सहिद हुने ७ जना इन्द्र विसी,व्रहमहदत्त तिवारी,कर्ण वहादुर खत्री,लालवीर टमट्टा, हस्त वहादुर सार्की,न्याउले कामी, र वहादुरे कामी प्रति उच्च सम्मान सहित हार्दिक श्रद्धाञ्जली व्यक्त गर्दै विद्रोहका घाईते पूर्ण वहादुर फौजा मगर,जंग वहादुर रखाले,मानवहादुर सटाली,इन्द्र वहादुर पौडेल लगायतका घाईतेहरुलाई उच्च सम्मान व्यक्त गरे ।
महासचिव विप्लव सी ले मानव जातिको इतिहास युद्धको इतिहास भएको दावी गर्दै स्वतन्त्रता र समानताका लागि युद्ध अनिवार्य हुने गरेको उल्लेख गर्दै बरु युद्ध जनताले होइन राज्यपक्षले निम्त्याउने गरेको ठोकुवा गरे ।
महासचिव विप्लव सी ले कुनै पनि कम्युनिष्ट आन्दोलन होस वा अन्य परिवर्तनका आन्दोलन ,समाज रुपान्तरणका लागि गरिएको वलिदानहरु बहादुरीताको इतिहास भएको भन्दै उनले इतिहासलाई कसैले पनि विर्सन नहुने र त्यसलाई अगाडिको शिक्षाको रुपमा लिनु पर्ने सुझाव दिए ।
महासचिव विप्लव सी ले अव दशरथपुरको इतिहास मात्र होइन, कर्णाली र सिंगो देशको इतिहास पढन सुर्खेतवासी जनतालाई आग्रह गरे । उनले इतिहास देश र जनताको मुक्तिका लागि जोखिम मोल्न तयार हुनेहरुको मात्र हुने टिप्पणी गरे ।
महासचिव विप्लव सी ले देशमा सहिदहरुकोले सोचे जति परिवर्तन नभएको स्वीकार गर्दै अग्रगामी परिवर्तन र निकासका लागि फेरी पनि तयार हुन आग्रह गरे । कार्यक्रमा महासचिव विप्लव सी ले दशरथपुर विद्राहका सहिद परिवारजन र घाईतेहरुलाई दोसल्लाह ओढाएर सम्मानसमेत गरेका थिए ।
सोहि , कार्यक्रमलाई सम्बोधन गर्दै नेकपा माओवादी (केन्द्र)का कर्णाली प्रदेशका अध्यक्ष विमला केसीले माओवादी मात्र नभई सवै कम्युनिष्टहरु एक हुनुपर्ने वताइन । उनले नेपालका कम्युनिष्टहरु एक नहुदा र फुट्दै जाने कुराले सहिदहरुको सपना पुरा नभएको उलेख गर्दै सुर्खेतको दशरथपुर ऐतिहासीक ठाउँ भएकाले यहाँको ऐतिहासीकतालाई वचाउनु पर्ने वताइन । उनले २०३६ साल जेठ १५ गते आफ्नो अधिकारको माग गर्दा पञ्चायत सरकारले गोली हानी ७ जनाको हत्या गरेको घटना राष्ट्रियकरण हुन नसकेको वताउदै अहिले आफ्नो पार्टी सरकारमा भएको वेला हत्या गरिएका सात जनालाई राष्ट्रिय सहिद घोषणाका लागि पहल गर्ने प्रतिवद्धतासमेत जनाइन ।
उक्त कार्यक्रममा नेकपाका स्थायी समिति सदस्य भरत सी,नेकपाका आधा दर्जन केन्द्रीय सदस्यहरु,नेकपा माओवादी केन्द्रकी कर्णाली प्रदेश अध्यक्ष विमला केसी,एमालेका सुर्खेत जिल्ला अध्यक्ष अमृत विसी,नेकपा समाजवादीका केन्द्रीय सल्लाहकार यज्ञ रिजाल लगायतका आतिथ्यता रहेको थियो । नेकपा सुर्खेतका इन्चार्ज धुव्र सीको अध्यक्षतामा सम्पन्न कार्यक्रमको संचालन नेकपा सुर्खेतका सेक्रेटरी जीत सीले गरेका थिए ।