२०७९ माघ १५ गते, आईतवार

काठमाडौँ। सार्वजनिक खरिद अनुगमन कार्यालयले सार्वजनिक सूचना निकालेर कार्यालयले समयमै काम नसक्ने, निर्माण कार्य अलपत्र पार्ने विभिन्न १२ वटा ठेकेदार कम्पनीलाई कालोसूचीमा राखेको जानकारी दिएको छ । एक वर्षदेखि साढे ३ वर्षसम्म कालोसूचीमा राखेका ति कम्पनीसँग उक्त अवधिभर सार्वजनिक निकायको कुनै पनि खरिद कारबाहीमा भाग लिन नसक्ने कार्यालयले जनाएको छ। कार्यालयले जारी गरेको सूचनाअनुसार राष्ट्र सेवा निर्माण सेवा (डडेल्धुरा) लाई ३ वर्ष का लागि कालोसूचीमा राखिएको छ। भने, बाँकी ११ कम्पनीहरुलाई १ वर्षको लागि कालो सूची रखिएको छ। १ वर्षको लागि कालो सूचीमा परेका कम्पनीहरुमा युनिभर्सल मल्टी सर्भिस प्रालि (काठमाडौँ), स्वर्गद्वारी महाप्रभु बिल्डर्स प्रालि (प्युठान), सुक्रिक निर्माण सेवा (दाङ), एसडी कन्स्ट्रक्सन (धनुषा), मुक्तिनाथ बिल्डर्स एन्ड कम्पनी (काठमाण्डौ) र लक्ष्मी निर्माण सेवा (अर्घाखाँची), जलेश्वर निर्माण सेवा (धादिङ), डीभी घिमिरे कन्स्ट्रक्सन (कुरिनटार), अन्जना निर्माण सेवा (चितवन), दिल्ली ट्रेडिङ (वीरगन्ज) र बी मेनेजमेन्ट प्रालि (पोखरा) छन्। उनीहरुलाई कालोसूचीमा राख्न विभिन्न कार्यालयले सिफारिस गरेको थियो ।