२०७९ असार ९ गते, बिहीबार

काठमाडौं । सिरहा, लहानस्थित रामकुमार सारडा उमाप्रसाद मुरारकका (राउ) स्मारक अस्पतालमा कार्यरत नायब सुब्बा बासुदेव महतो अभद्र व्यवहार गरेको आरोपमा पक्राउ परेका छन् । उनीमाथि सेवाग्राहीमाथि दुर्व्यवहार र अश्लील गाली गरेको आरोप लागेको छ । सोही आरोपमा नायब सुब्बा महतोलाई पक्राउ गरिएको हो । सेवा सुस्त भएको भन्दै एक सेवाग्राहीले नासु महतोसँग गुनासो गरेका थिए । सोही समयमा सेवाग्राहीसँग सामान्य भनाभन भयो । भनाभन बढेपछि दुर्व्यवहार गर्नुका साथै उनले अश्लील गाली गरेका हुन् । जिल्लाका डिएसपी कुमार मैनालीले महतो पक्राउ परेको कुराको पुष्टि गर्नुभएको छ । उनलाई नियन्त्रणमा लिएर आवश्यक अनुसन्धान थालिएको छ ।