नेपाल प्रहरी र भारतीय तस्करबीच दोहोरो भिडन्त

२०७७ चैत्र २४ गते, मंगलवार


काठमाडौँ । नेपाल प्रहरी र भारतीय लागुऔषध तस्करबीच कैलालीको भजनी नगरपालिका–३ मोरियाघाटस्थित मोहना नदी किनारमा दोहोरो भिडन्त भएको छ । भिडन्तमा नेपाल प्रहरीतर्फ कुनै क्षति भएको छैन भने, एक जना तस्कर घाइते भएको जिल्ला प्रहरी कार्यालयका सह–प्रवक्ता हिक्मत थापाले जानकारी दिनुभएको छ । प्रहरीको गोली लागेर भारतीय तस्कर लखिमपुर खिरी जिल्ला तिकुनिया ग्राम पञ्चायत रणनगरका ४० वर्षीय दिल्लु सिंह घाइते भएको बताइएको छ । प्रहरीको कारबाहीपछि घाइतेसहित चार जना तस्करै भारततिर भागेका छन् । तस्करलाई नियन्त्रणमा लिन खोज्दा उनीहरुले गोली प्रहार गरेपछि जवाफी फायर गरेको प्रहरीले जनाएको छ ।

प्रतिक्रियाहरु