२०७७ मंसिर ७ गते, आईतवार

काठमाडौं । पर्यटकीयस्थल लाङटाङका होटलहरु संचालनमा आएका छन् । रसुवा जिल्लामा कोरोना संक्रमितको संख्या घटेसँगै कार्तिक १८ गतेदेखि बन्द होटल, लज तथा चियापसलहरु संचालनमा आएका हुन् । पदमार्गको रिम्छे, रिभर साइड, घोडा तबेलालगायतका क्षेत्रमा रहेका होटल, लज तथा चिया पसल सञ्चालनमा आएको गोसाइँकुण्ड गाउँपालिका–४ को वडा कार्यालयले जनाएको छ ।
कार्तिक १८ अघि लाङटाङ क्षेत्रमा दैनिक ६० जनासम्म आन्तरिक पर्यटक पुग्ने गरेका थिए । महमारीका कारण पर्यटकीय गतिविधि शून्यप्रायः रहेको लाङटाङमा असोजदेखि भने पर्यटकहरुको चहलपलह सुरु भएको थियो ।