२०७७ कार्तिक ७ गते, शुक्रबार

काठमाडौं । स्वास्थ्य तथा जनसंख्या मन्त्रालयले काठमाडौं उपत्यकामा पछिल्लो २४ घण्टामा थप २ हजार ७ सय २० संक्रमित फेला परेको जनाएको छ । आज मन्त्रालयमा आयोजित पत्रकार सम्मेलनमा दिइएको जानकारी अनुसार पछिल्लो २४ घण्टामा काठमाडौं उपत्यकामा २ हजार ७ सय २० संक्रमित थपिएका हुन् । योसंगै काठमाडौ उपत्यकामा संक्रमितको कुल संख्या ६६ हजार ८ सय ५३ पुगेको छ । काठमाडौंमा ५४ हजार २ सय ४५ जना, ललितपुरमा ७ हजार ५ सय ६०, भक्तपुरमा ५ हजार ४८ जना संक्रमित थपिएका छन् ।