बाँके राष्ट्रिय निकुञ्जका प्रमुख घुससहित पक्राउ

२०७७ श्रावण १९ गते, सोमबार


काठमाडौँ । अख्तियार दुरुपयोग अनुसन्धान आयोग बुटवलवाट खटिएको टोलीले बाँके राष्ट्रिय निकुञ्जका प्रमुख संरक्षण अधिकृत प्रमोद भट्टराई र सहायक संरक्षण अधिकृत विष्णु रोकायलाई नगद ३ लाख ४८ हजार सहित पक्राउ गरेको छ । उनिहरुसंग बैंकमा जम्मा गरेको ५ लाख ५० हजारको बैंक भौचरसहित झन्डै ९ लाख श्रोत नखुलेको रकमसहित रुपन्देहीको सैनामैनाबाट पक्राउ गरेको आयोग बुटवल कार्यालयका सूचना अधिकारी सुरेश भुषालले बताए ।
सुचना अधिकारी भुसालका अनुसार भट्टराई र रोकायालाई श्रोत नखुलेको उक्त रकमसहित बाँके निकुञ्जको सरकारी गाडीबाटै नियन्त्रणमा लिइएको हो । सोमबार दिउँसो पक्राउ परेका भट्टराई र रोकायलाई थप अनुसन्धानका लागि बुटवल स्थित अख्तियारको हिरासतमा राखिएको छ ।

प्रतिक्रियाहरु