२०७० मंसिर ३ गते, सोमबार

काठमाडौं, ३ मंसिर । चुनावको शसक्त बहिस्कारमा उत्रिएको नेकपा-माओवादीको कार्यकर्ताले देलेखको लकान्त्रास्थित हुइका मतदान केन्द्र आफ्नो कब्जामा लिएका छन् ।
नेकपा-माओवादी नेतृत्वको ३३ दलिय मोर्चाका करिब ५०-६० जनाको समूहमा आएका कार्यकर्ताले मतदान केन्द्रमा खटिएका कर्मचारी र प्रहरीलाई लखेटेर केन्द्र कब्जा गरेको हुइकाका मतदान अधिकृत चीत्रप्रसाद भट्टराईले बताए।माओवादीका कार्यकर्ताले मतदान केन्द्रमा कब्जा लिएर तोडफोडसमेत गरेका छन् । खटिएका दुई प्रहरी र दुई म्यादी प्रहरीसमेत सम्पर्कमा नरहेको मतदान अधिकृत भट्टराईले बताए । केन्द्रमा उनीसहित सात कर्मचारी खटिएका थिए।